पर्सा प्रहरीले बरामद गरेको सामान भन्सार बुझायो
ट्रिब्यून न्युज
वीरगन्ज, २३ साउन । जिल्ला प्रहरी कार्यालय मातहतका विभिन्न प्रहरी युनिटहरुले पक्राउ गरेको सामानहरु वीरगन्ज भन्सारमा पठाएको छ । जिल्ला प्रहरी कार्यालयको टोलीले बरामद गरेको ग्रिज–१ कार्टुन, मोबिल १२ पिस, चिनी ४० केजी, दरी–१ थान गरी जम्मा मूल्य १ लाख १० हजार २ सय मूल्य बराबरको सामान बरामद गरेको छ । त्यस्तै वडा प्रहरी कार्यालय श्रीपुरको टोलीले बरामद गरेको टेप्सा धाराको नल २२० पिस, धाराको सेट ४४, लेडिज सुट कपडा ३३० पिस, लेडिज भलभेट सुट १० पिस, सुरुवाल ७० पिस,
पेटीकोट थान कपडा २, पेटीकोट रेडिमेट १५ पिस, लेडिज चोली २५ पिस र ब्लाउजको कपडा ६ प्याकेट गरी जम्मा ७ लाख ५० हजार मूल्य बराबरको सामान बरामद गरेको जिल्ला प्रहरी कार्यालय पर्साका प्रवक्ता प्रहरी नायव उपरीक्षक दीपक गिरीले जानकारी दिनुभयो । बरामद गरिएको सामान आवश्यक कारवाहीका लागि वीरगन्ज भन्सार कार्यालयमा बुझाएको प्रहरी नायव उपरीक्षक गिरीले बताउनुभयो ।
यसअघि सोमबार भारतबाट भन्सार छली ल्याएको गहुँ लोड रहेको दुई वटा ट्याक्टर पनि नियन्त्रणमा लिएको छ । प्रहरीले पर्साको सखुवाप्रसौनी गाउँपालिका वडा नम्बर–६ लखनपुरबाट मे. १ त. ४८४८ र ना.२ त. ४५६८ नम्बरको गहुँ लोड रहेको दुई वटा ट्याक्टरहरु नियन्त्रणमा लिएको हो ।
दुबै ट्याक्टरमा २४ लाख ५० हजार बराबरको भारतीय गहुँ लोड रहेको प्रहरीले जानकारी दिएको छ । गहुँसहित ट्याक्टरलाई आवश्यक कारवाहीको लागि वीरगञ्ज भन्सार कार्यालयमा बुझाइएको पर्साका प्रहरी प्रबक्ता डिएसपी दिपक गिरीले जानकारी दिनुभयो ।
