निर्वाचन आयोगले आफ्नो नाम सार्वजनिक गरेकोमा रास्वपा सांसद गौतमको आपत्ति
ट्रिब्यून न्युज
वीरगन्ज, १० साउन । राष्ट्रिय स्वतन्त्र पार्टी रास्वपा सांसद सोविता गौतमले निर्वाचन आयोगले सार्वजनिक गरेको खर्चको विवरण प्रति आपत्ति जनाउनु भएको छ । ‘खर्च विवरण सार्वजनिक नगर्ने उम्मेदवारहरूलाई १५ हजार जरिबाना गर्ने निर्णय’ शीर्षकमा आफ्नो नाम समेत आएकोमा गौतमले गम्भीर ध्यानाकर्षण भएको जनाउनु भएको हो ।
गौतमले ट्विटर ह्याण्डलमा २०७९ मंसिर २८ गते दर्ता नम्बर १९ मा जिल्ला निर्वाचन कार्यालय काठमाडौँमा प्रतिनिधिसभा सदस्य ऐन २०७४ को दफा ७२ बमोजिम निर्वाचन खर्च विवरण पेस गरेको जानकारी दिदैं बुझाएको खर्च विवरण व्यक्तिगत फेसबुक एकाउन्ट र विभिन्न राष्ट्रिय दैनिक तथा अनलाईन न्युजमार्फत सार्वजनिक भएको जानकारी गराउनु भएको छ ।
निर्वाचन आयोगले कारबाही गर्न उल्लेख गरेको निर्वाचन (कसुर तथा सजाय) ऐन २०७३ दफा ३१ (४) बमोजिम आफ्नो नाम पर्नुपर्ने कुनै कानुनी आधार नदेखिएको पनि उहाँले उल्लेख गर्नुभएको छ । निर्वाचन आयोगले कानुनको गलत व्याख्या गरी, बिना कानुनी आधार आफ्नो नाम दुरुपयोग गरेकोमा निर्वाचन आयोगको ध्यानाकर्षण समेत गराउनु भएको छ ।
सांसद गौतमले खर्च विवरण बुझाएको प्रमाण, सार्वजनिक गरेको समाचारको प्रमाण र निर्वाचन (कसुर तथा सजाय) ऐन २०७३ दफा ३१(४) समेत संलग्न गरेको ट्वीटर मार्फत जानकारी गराउनु भएको छ ।
सांसद गौतमले ट्विटरमा लेख्नुभएको विवरण :
