वीरगन्ज महानगरस्तरीय कक्षा ८ को अन्तिम परीक्षा आजदेखि शुरु
ट्रिब्यून न्युज
0
16
वीरगन्ज, ७ चैत । वीरगन्ज महानगरपालिकाको नगरस्तरीय कक्षा ८ को अन्तिम परीक्षा आजदेखि शुरु भएको छ । वीरगन्ज महानगरपालिका भित्ररहेका ३४ वटा सामुदायिक र ८३ वटा संस्थागत विद्यालयहरुबाट गरी ११७ वटा विद्यालयमा मंगलबार (आज)देखि परीक्षा शुरु भएको हो ।
सामुदायिक र संस्थागत गरी ८ हजार ८ सय विद्यार्थीहरु परीक्षामा सहभागी भएको वीरगन्ज महानगरपालिकाका शैक्षिक प्रशासन महाशाखाका अधिकृत हरि राउतले जानकारी दिनुभयो ।
मंगलबार पहिलो दिन बिहान ८ बजेदेखि ११ बजेसम्म अंग्रेजी विषयको परिक्षा भएको छ । भोली नेपाली विषयको परीक्षा हुने अधिकृत राउतले बताउनुभयो ।
