‘बहकिने मन’ का प्रस्तोताको सवारी दुर्घटनामा ज्यान गयो
ट्रिब्यून न्युज
0
15
वीरगन्ज, ६ मंसिर । पत्रकार महाविर विश्वकर्माको सवारी दुर्घटनामा ज्यान गएको छ । चर्चित रेडियो कार्यक्रम ‘बहकिने मन’ का प्रस्तोता विश्वकर्माको मंगलबार बिहान पुर्बी चितवनको भण्डारामा भएको माइक्रोबस दुर्घटनामा परि निधन भएको हो ।
विश्वकर्मा चढेको माइक्रो बस बिग्रेर रोकिराखेको गाडीमा ठोक्किँदा उहाँको निधन भएको स्थानीय प्रत्यक्षदर्शीले बताएका छन् । दुर्घटनाको विस्तृत विवरण प्राप्त हुन बाँकी भए पनि विश्वकर्माको निधन भएको पुष्टि भएको छ ।
