दुईवटा चोरीको मोटरसाईकल सहित तीनजना पक्राउ
ट्रिब्यून न्युज
वीरगन्ज, १५ कार्तिक । जिल्ला प्रहरी कार्यालय पर्साले चोरीको मोटरसाईकल सहित एकजनालाई पक्राउ गरेको छ । प्रहरीले
पर्साको वीरगञ्ज महानगरपालिका वडा नं.२५ का २४ बर्षीय सुनिल कुमार पटेललाई पक्राउ गरेको छ । उनलाई बा.३७ प ३४०८ नम्बरको निलो १५० सि.सि.को पल्सर चोरीको मोटरसाईकल सहित पक्राउ गरेको जिल्ला प्रहरी कार्यालय पर्साले जनाएको छ ।
कार्तिक ४ गते बिहान ४ः०० बजे पकाहामैनपुर गाउँपालिका वडा नं.२ सुरजाहा बस्ने सोनालाल पण्डितको नाममा दर्ता रहेको बा.३७ प ३४०८ नम्बरको १५० सि.सि.को निलो रंगको पल्सर मोटरसाईकल घर अगाडीमा पार्किङ गरिएको अवस्थामा चोरी भएको थियो । प्रहरीलाई चोरीको घटनाको सूचना प्राप्त भएपछि खोजी कार्यक्रमा जुटेको प्रहरीले १० गते राती ११ः३० बजे वीरगञ्ज महानगरपालिका वडा नं.१७ अलौमा प्रहरी चौकी सिर्सियाबाट खटिएको चेकिङ टोलीलेचेक जाँचको क्रममा उक्त मोटरसाईकल फेला पारेको थियो ।
सुनिलले चढेर आएको मोटरसाईकल रोकेर उनीसंग बुझ्दा उक्त मोटरसाईकल चोरी गरेको खुल्न आएकोले उनलाई पक्राउ गरी थप अनुसन्धान गरिरहेको प्रहरीको भनाई छ । यस्तै मोटरसाईकल चोरीको आरोपमा पटेर्वासुगौली गाउँपालिका वडा नं. ३ बस्ने १९ बर्षीय रामजनम मुखिया र २४ बर्षीय सुनिल दास थारूलाई पक्राउ गरेको छ ।
उनीहरुलाई कार्तिक ११ गते बागमती प्रदेश ०३(००३ प ३६७८ नम्बरको ल्क् पल्सर मोटरसाईकल सहित पक्राउ गरेको जिल्ला प्रहरी कार्यालय पर्साले जनाएको छ । वीरगञ्ज महानगरपालिका वडा नं. १४ बस्ने प्रधुमन कुमार पटेलको बागमती प्रदेश ०३(००३ प ३६७८ नम्बरको २२० सीसीको पल्सर मोटरसाईकल घर अगाडि पार्किङ गरी राखिएको अवस्थाबाट चोरी भएको प्रहरीले जनाएको छ ।
सोही सूचनाको आधारमा प्रहरीले खोजतलास गर्ने क्रममा वीरगन्ज महानगरपालिका वडा नम्बर २१ परवानीपुर स्थित सडकखण्डमा वडा प्रहरी कार्यालय श्रीपुरबाट खटिएको प्रहरी टोलीले चेकजाँच गर्ने क्रममा उनीहरुलाई मोटरसाईकल सहित पक्राउ गरेको हो । उनीहरुसँग उक्त मोटरसाईकल चोरी गरेको खुल्न आएकोले पक्राउ गरी थप अनुसन्धान भईरहेको जिल्ला प्रहरी कार्यालय पर्साका प्रहरी नायव उपरीक्षक दिपक गिरीले जानकारी दिनुभयो ।
