प्रदीप, विचारी र लालबाबुको रोड शो पाँचौं दिन पनि जारी
ट्रिब्यून न्युज
वीरगञ्ज, ४ कार्तिक । पर्सा क्षेत्र नम्बर १ का एमाले जसपा गठबन्धनका उम्मेदवारहरुले वीरगञ्ज महानगरपालिकाका विभिन्न वडाहरुमा घरदैलो अभियानलाई जारी राखेका छन् । ‘चुनावी रोड शो’ नाम दिएर घरदैलो गरेका हुन् ।
शुक्रबार वीरगञ्ज महानगरपालिकाको वडा नम्बर ११ श्रीपुर, नयाँ टोल , वडा नम्बर १२ को मुर्ली र वडा नम्बर १५ को लक्ष्मणवा र भेडियाहीमा शुक्रबार मुख्यमन्त्री एवम् प्रदेशसभा सदस्य उम्मेदवार लालबाबु राउत र प्रदीप यादवले रोड शो मा मतदाताहरुसँग आफूहरुलाई मत दिन आग्रह गरेका थिए ।
पर्सा १ का जनता नाम र अनुहार नभइ आफनो क्षेत्रमा काम गरेका नेताको पक्षमा रहेको भन्दै उनिहरुले यादवले गरेका कामहरुकै कारण यसपालि फेरि यादवलाई नै जिताउने दावी उम्मेदवारहरुको छ ।
त्यसक्रममा प्रतिनिधीसभा सदस्यका उम्मेदवार यादवले कामको मुल्यांकन गरेर आफना जनप्रतिनिधि छान्न मतदाताहरुसंग अनुरोध गर्नुभयो । शुक्रबारको चुनावी रोड शो मा जसपा र एमालेका नेता कार्यकर्ताहरुसंगै स्थानीय मतदाता पनि सहभागी भएका थिए ।
