नेपाली कांग्रेस पर्सागढी नगर सभापतिमा विश्वमोहन थारु विजयी
ट्रिब्यून न्युज
वीरगन्ज, १५ फागुन । पर्सागढी नगरपालिकामा विश्वमोहन थारु विजयी हुनुभएको छ । कूल १४५ मतदाता मध्य १४२ मत खसेको थियो । पर्सागढी नगरपालिकाको सपभातिमा विश्वमोहन दास थारुले ८६ मत ल्याउनु भएको छ । घनश्याम चौधरीको ५६ मत आएको छ ।
जंगबहादुर दास थारुले पनि सभापतिमा उम्मेदवारी दर्ता गरेपनि अन्तिम समयमा आएर उम्मेदवारी फिर्ता लिएपछि दुईजना प्रतिस्पर्धामा थिए । उपसभापतिमा आत्माराम अधिकारी ८० मत ल्याएर विजयी हुनु भएको छ । छोटेलाल यादव ८२ मत ल्याएर विजयी हुनु भएको छ । उहाँको निकटम प्रतिद्वन्दी मनोज दास थारुको ५५ र देवकी साहको ४२ मत आएको छ । त्यस्तै सचिवमा उमा अधिकारी ८७ मत र अर्जुन गिरी ७५ मत ल्याएर विजयी हुनुभएको छ ।
उहाँका किटतम प्रतिद्वन्दीहरु विनोद साहले ५२ र मीना कुमारीले ५६ मत पाउनुभएको छ । त्यसैगरी सहसचिवमा रामसुनर महतो ८६ र सुकदेव दास ७५ मत ल्याएर विजयी हुनुभएको छ । उहाँहरुको निकटम प्रतिद्वन्दी मीरा चौधरीले ५९ र जितेन्द्र चौधरीले ५४ मत पाउनुभएको छ ।
यस्तै खुला सदस्यतर्फ नगिना कुर्मी ८८, हरिशंकर अहिर ८१, आदिवासी जनजातिमा रामाकान्तीदेवी ८५ मतले विजयी, दलित पुरुषमा भोला राम ११७ मतले विजयी, कन्हैया हजरा दुसाध ६९ मत ल्याएर विजयी, मुस्लीम जोश महम्मद ७१ मतले विजयी हुनु भएको छ ।
