वीरगन्ज महानगरको ५ वटा वडामा एकैपटक पूर्ण खोप घोषणा
ट्रिब्यून न्युज
वीरगन्ज, १२ असार । क्रमशः पूर्ण खोप वडा घोषणा गरिदै वीरगन्ज महानगरपालिकाले शनिबार एकैपटक ५ वटा वडालाई पूर्ण खोप घोषणा गरेको छ । एकहप्ता भित्रमा वडा नम्बर ८, १३, १४ र १५ पूर्ण खोप घोषणा गरेको महानगरपालिकाले शनिबार एकैदिन वडा नम्बर १, २, ३, ४ र ६ लाई पूर्ण खोप वडा घोषणा गरिएको हो ।
महानगरपालिकाका प्रमुख विजय कुमार सरावगी र उपप्रमुख शान्ति कार्कीले वडाहरु पूर्ण खोप घोषणा गर्नुभएको हो । वडा नम्बर ६ का अध्यक्ष ध्रुव नेपालको अध्यक्षतामा भएको कार्यक्रममा वडा नम्बर ६ का बालबालिकाहरुलाई दिईनुपर्ने १२ प्रकारका खोप पूर्ण रुपमा दिई सकिएपछि पूर्ण खोप वडा घोषणा गरिएको हो ।
वडा नम्बर १, २, ३ र ४ वडा अध्यक्षहरुको अध्यक्षतामा भएको कार्यक्रममा पूर्ण खोप वडा घोषणा भएको हो । जन्मिएदेखि २३ महिना सम्मका बालबालिकालाई १२ वटा पूर्ण खोप लगाई सकेपछि पूर्ण खोप घोषणा गरिन्छ । अब छिट्टै महानगरपालिकालाई नै पूर्ण खोपयुक्त घोषणा गर्ने तयारी गरिएको उहाँले बताउनुभयो ।
