राष्ट्रिय सरोकार मञ्चद्वारा गुप्ता सम्मानित
ट्रिब्यून न्युज
वीरगन्ज, २३ असोज । वीरगन्ज उद्योग वाणिज्य संघका अध्यक्ष सुवोध गुप्ता सम्मानित हनुभएको छ । अन्तराष्ट्रिय स्तरको ग्लोबल बिजिनेस म्यानेज्मेण्टमा प्रदान गर्ने प्रोफेशनल डक्टरोल सर्टिफिकेटबाट सम्मानित भएकोमा गुप्तालाई राष्ट्रिय सरोकार मञ्च नारायणी र क्रियाशील पत्रकार मञ्च पर्साले संयुक्त रुपमा गुप्तालाई सम्मान गरेको हो ।
गुप्तालाई मञ्चका तर्फबाट नारायणी संयोजक नन्दकिशोर गोयल र प्रणय कुमारले दोसल्ला र सम्मान पत्र सहित सम्मान गरेको हो । सम्मान ग्रहण गरेपछि गुप्ताले आपूmले पाएको उपलब्धी व्यक्तिगत नभई पूरा वीरगन्जवासी र नेपालीहरुको लागि भएको बताउनुभयो ।
मञ्चका अध्यक्ष नन्दकिशोर गोयलको अध्यक्षतामा भएको कार्यक्रममा पर्साका प्रहरी उपरीक्षक बेल बहादुर पाण्डे, राष्ट्रिय अनुसन्धानका उपनिर्देशक टिका पोखरेल, वीरगन्ज उद्योग वाणिज्य संघका बरिष्ठ उपाध्यक्ष अनिल पटावरी, नेपाल पत्रकार महासंघ प्रदेश २ का महासचिव श्याम बञ्जारा, पर्सा अध्यक्ष अनुप तिवारी लगायतले शुभकामना मन्तव्य व्यक्त गरेका थिए ।
कार्यक्रमको सहजीकरण सूयनाराय विकले गर्नुभएको थियो । कार्यक्रमको समापन र धन्यवाद ज्ञापन सरोकार मञ्चका प्रेस संयोजक प्रणय कुमारले गर्नुभएको थियो ।
