राप्रपा अध्यक्ष राजेन्द्र लिङ्गदेन र रेखा थापा आज वीरगन्ज आउदै
ट्रिब्यून न्युज
0
14
वीरगन्ज । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्गदेन र रेखा थापा आज वीरगन्ज आउदै हुनुहुन्छ । लिङ्गदेन राष्ट्रिय प्रजातन्त्र (राप्रपा) को चुनावी आमसभालाई सम्बोधन गर्न आज वीरगन्ज आउन लाग्नु भएको हो ।
केही दिन पहिले पनि वीरगन्जको विपी उद्यानमा आयोजना गरेको आमसभामा सहभागी भएर जानुभएका लिङ्गदेन वीरगन्ज महानगरपालिकाको मेयरमा गिरीश गिरीलाई उम्मेदवार बनाएपछि पुनः चुनावी सभालाई सम्बोधन गर्न आउन लाग्नु भएको हो ।
लिङ्गदेन र थापा आज दिउँसो साढे ३ बजे वीरगन्जको विपी उद्यानमा आयोजना हुने चुनावी सभालाई सम्बोधन गर्न आउनु हुने राप्रपाबाट वीरगन्ज महानगरपालिका मेयरका उम्मेदवार बन्नु भएका गिरीश गिरीले जानकारी दिनुभयो । महानगरपालिकाको मेयरमा उम्मेदवारी दिएपछि गिरीले पहिलो पटक वीरगन्जमा चुनावी सभाको आयोजना गर्दै हुनुहुन्छ ।
