प्रधानमन्त्री शेर बहादुर देउवा आज वीरगन्ज आउदै
ट्रिब्यून न्युज
वीरगन्ज, २६ फागुन । प्रधानमन्त्री शेर बहादुर देउवा आज वीरगन्ज आउदै हुनुहुन्छ । घरेलु तथा साना उद्धोग महासंघको २५ औं राष्ट्रिय महाधिवेशन तथा २२ औं राष्ट्रिय महिला उद्धमी सम्मेलनको उदघाटन गर्न प्रधानमन्त्री देउवा आज वीरगन्ज आउनुहुने भएको हो ।
उद्धोग मन्त्रीको जिम्मेवारी समेत हेर्नु भएका देउवाले वीरगन्जको टाउनहलमा आयोजना हुने घरेलु तथा साना उदेग महासंघको २५ औं राष्ट्रिय महाधिवेशन र २२ औं महिला उद्धमी सम्मेलनको उदघाटन गर्ने कार्यक्रम रहेको आयोजकले जनाएको छ ।
प्रधानमन्त्री देउवा हेलिकप्टरबाट आज बिहान १० बजे श्रीपूर स्थित नेपाली सेनाको व्यारेकमा अवतरण गर्ने जानकारी सुरक्षा स्रोतले दिएको छ । यसैबीच प्रधानमन्त्री देउवाले नेपाली कांग्रेस पर्साका नवनिर्वाचित पदाधिकारी तथा सदस्यहरुको सपथ ग्रहण तथा प्रमाणपत्र वितरण कार्यक्रममा पनि सहभागी हुनुहुने कार्यक्रम रहेको छ ।
वीरगन्जको आदर्शनगर स्थित होटल दियालो लडर््समा आयोजना हुने कांग्रेस पर्साका नवनिर्वाचित कार्यसमितिको ग्रहण तथा प्रमाणपत्र वितरण गर्ने कार्यक्रम रहेको नेपाली कांग्रेस पर्साले जनाएको छ ।
