वीरगन्ज उद्योग वाणिज्य संघका अध्यक्ष गुप्ता कर्पोरेट विजनेश अवार्ड २०२२ बाट सम्मानित
ट्रिब्यून न्युज
वीरगन्ज, ३ साउन । वीरगन्ज उद्योग वाणिज्य संघका अध्यक्ष तथा नेपाल उद्योग वाणिज्य महासंघका केन्द्रीय कार्यकारिणी सदस्य सुवोध गुप्ता कर्पोरेट विजनेश अवार्डबाट सम्मानित हुनुभएको छ । उद्योग, व्यवसाय र अर्थतन्त्रमा गुप्ताले अतुलनीय योगदान गरे बापत कार्पोरेट बिजनेश अवार्ड २०२२ बाट सम्मानित गरिएको हो ।
उपराष्ट्रपति नन्दकिशोर पुनले डाक्टर गुप्तालाई काठमाडौंको होटल र्याडिसनमा मङ्गलबार बिजनेश अवार्डबाट सम्मानित गर्नुभएको हो । निजीक्षेत्रको छाता संगठनमा निरन्तर क्रियाशील गुप्ता वीरगन्ज उद्योग वाणिज्य संघको अध्यक्ष भएपछि लगत्तै नेपाल उद्योग वाणिज्य महासंघको पनि केन्द्रीय कार्यकारिणी समिति सदस्यमा निर्वाचित हुनुभएको थियो । उहाँ नेपाल तेल, दाल तथा चामल संघको केन्द्रीय अध्यक्ष पनि हुनुहुन्छ ।
आर्थिक राजधानी तथा औद्योगिक नगरीमा गुप्ताले खाद्य उद्योग स्थापना गरेर उद्योग व्यावसायमा संलग्न हुनुका साथै वीरगन्जका धेरै सामाजिक संघ संस्थाहरुमा समेत आवद्ध रहेका छन् । उहाँ ट्रिब्यून न्युज एनपी डटकमका सल्लाहाकार पनि हुनुहुन्छ ।
सम्मानित हुनुभएका डाक्टर गुप्तालाई ट्रिब्यून न्युजएनपी डटकमको तर्फबाट बधाई ज्ञापन समेत गरिएको छ । ट्रिब्यून नेपाल प्रालिका अध्यक्ष डाक्टर दीपेन्द्र कुमार चौधरीले डाक्टर गुप्ता सम्मानित भएको खबरले खुशी लागेको र ट्रिब्यून न्युज परिवारले उहाँलाई बधाई ज्ञापन गर्नुभएको हो ।
