बारामा हतियार सहित एक युवक पक्राउ
ट्रिब्यून न्युज
वीरगन्ज, २७ कार्तिक । जिल्ला प्रहरी कार्यालय बारारले अवैध हितियार सहित एकजनलाई पक्राउ गरेको छ । पक्राउ पर्नेमा महागढीमाई नगरपालिका वडा नं.५ बगडमपुर टोल बस्ने वर्ष ३५ को मनोज प्रसाद जयसवाल रहेका छन् ।
बाराको बारागढी गाउँपालिका वडा नम्बर ३ खोपवा बजारमा झगडा भइरहेको भन्ने प्राप्त सूचनाको आधारमा इलाका प्रहरी कार्यालय बारागढीबाट खटिएको प्रहरी टोलीले जयसवाललाई हतियार सहित पक्राउ गरेको जिल्ला प्रहरी कार्यालय बाराले जनाएको छ ।
झगडा भएको स्थानमा पुग्दा झगडा गर्ने व्यक्तिहरू तितर बितर भएपनि सोही स्थानमा प्रदेश नं.३–०२–०१०प ७१२३ नं.को मोटरसाइकलमा शंकास्पद अवस्थामा बसिरहेका जयसवालको शरीर चेकजाँच गर्दा उनले कम्मरमा सर्जिकल कम्मरपेटीले बाँधी लुकाई राखेको अवस्थामा १ राउण्ड गोली लोड रहेको अवैध नलकटुवा बन्दुक थान–१ फेला परेको प्रहरीले जनाएको छ ।
हतियार सहित पक्राउ परेका मनोज प्रसाद जयसवाललाई हातहतियार खरखजाना मुद्दामा बारा जिल्ला अदालतबाट पहिलो पटक दिन ७ को म्याद थप गरी हिरासतमा राखेर थप अनुसन्धान भईरहेको प्रहरीले जनाएको छ।
