भारतीय नम्बरको कार सशस्त्र प्रहरीले नियन्त्रणमा लियो
ट्रिब्यून न्युज
वीरगन्ज, २२ भदौ । सशस्त्र प्रहरीले चोरीको भारतीय नम्बर प्लेटको कार नियनत्रणमा लिएर भन्सार कार्यालयमा बुझाएको छ । सशस्त्र प्रहरी बल बोर्डर आउट पोष्ट वीरगन्जबाट खटिएको सशस्त्र प्रहरीको टोलीले वीरगन्जको वडा नम्बर १६ भन्सार रोडबाट बीआर ०६ एभी ५९१४ नम्बरको सेतो रंगको कार नियन्त्रणमा लिएको सशस्त्र प्रहरी बल १३ नम्बर गण हेडक्वाटरका प्रवक्ता सशस्त्र प्रहरी नाययव उपरीक्षक सन्तोष बस्नेतले जानकारी दिनुभयो ।
सवारी साधन चेकजाँच गर्ने क्रममा कार चालक भने फरार भएका छन् । उक्त कार बैंशाख २६ गते देखि २८ गतेसम्मको गौर भन्सार कार्यालय रौतहटबाट प्रज्ञापनपत्र बनाई नेपाल प्रवेश गरेर ११८ दिनसम्म अवैध रुपमा नेपालमै सञ्चालन गरेको पाईएपछि सशस्त्र प्रहरीले नियन्त्रणमा लिएर आवश्यक कारवाहीको लागि वीरगन्ज भन्सार कार्यालयमा बुझाएको प्रवक्त प्रहरी सशस्त्र प्रहरी नायव उपरीक्षक बस्नेतले बताउनुभयो । नियन्त्रणमा लिईएको कारको मूलय २० लाख रुपैंया पर्ने अनुमान गरिएको छ ।
