पटेर्वा सुगौली गाउँपलिकामा आज शोक विदा
ट्रिब्यून न्युज
वीरगन्ज, १९ बैशाख । पर्साको पटेर्वासुगौली गाउँपालिकामा आज शोक विदा दिईएको छ । गाउँपालिकाका कर्मचारीको निधनको शोकमा आज शोक विदा दिएको ले गाउँपालिका कार्यालय आज नखुल्ने भएको छ ।
पटेर्वासुगौली गाउँपालिका वडा नम्बर ४ का कार्यालय सहयोगीको दुर्घटनामा परि निधन भएपछि पालिकाले आज शोक विदा दिएको हो । वडा नम्बर ४ मा कार्यरत ३३ वर्षिय कार्यालय सहयोगी नीरञ्जन महतो थारुको निधन भएको शोकमा विदा आज दिइएको पालिकाले आफ्नो आधिकारिक फेसबुक पेजमा सोमबारराती जारी गरेको सूचनामा उल्लेख गरेको छ ।
निरञ्जनको निधनले पालिकाका सम्पुर्ण पदाधिकारी तथा कर्मचारीहरुस्तब्ध दुखी एवम मर्माहित भएको भन्दै दिवंगत आत्माको चिरशान्तिको कामनाका लागि आज शोक विदा दिइएको प्रमुख प्रशासकीय अधिकृत सन्देश कुमार यादवले बताउनुभयो । पालिकाको कार्यालय र मातहतका वडा कार्यालय बाहेक अन्य कार्यालय भने खुल्ला रहने अधिकृत यादवले बताउनुभयो ।
