पर्साको बहुदरामाई–६ मा आगलागी
ट्रिब्यून न्युज
0
11
वीरगन्ज, १९ बैशाख । पर्साको बहुदरमाई नगरपालिका वडा नम्बर ६ गम्हरियामा आगलागी हुँदा एउटा फुसको घर जलेर नष्ट भएको छ । हिजो साँझ करिब ६ बजे स्थानिय मिरहासन मियाँ हजामको फुसको घरमा आगलागी भएको हो ।
आगलागीले १ थान सिलाई मेशिन, साईकल १ थान, ग्याँस र ग्याँस चुल्हो एक थान, लत्ताकपडा, धान, गेंहु लगायत खाद्यान्न सामग्री जलेर नष्ट हुँदा करिब साँढे १ लाख बराबरको क्षति भएको पिडित हजामले बताउनुभयो ।
सशस्त्र प्रहरी, नेपाल प्रहरी र स्थानियको सहयोगमा आगलागी नियन्त्रणमा लिइएको स्थानिय पत्रकार रामजी यादवले बताउनुभयो । आगलागी के कारणले भएको हो भन्ने खुल्न नसकेको यादवले बताउनुभयो ।
