म्याराथुन दौड प्रतियोगितामा महिला पुरुष दुवैमा पटेल विजयी
ट्रिब्यून न्युज
वीरगन्ज, ४ फागुन । वीरगन्जमा शनिबार स्थापना भएको स्टडी स्क्वायर शैक्षिक परामर्श संस्थाले आयोजना गरेको म्याराथुन दौड प्रतियोगिता सम्पन्न भएको छ । वीरगन्जको श्रीपुर स्थित नेपाल टेलिकम कार्यालयको सामुन्ने स्थापना गरिएको संस्थाले आयोजना गरेको म्याराथुन दौड प्रतियोगितामा पुरुषतर्फ डेसिमल कलेज र महिलातर्फ सिद्धार्थ मावि प्रथम भएका छन् ।
पुरुषतर्फ डेसिमल कलेजका सत्रुघन पटेलले निर्धारित दूरी १३ मिनेट ३९ सेकेण्डमा पार गरि प्रथम भएका हुन् । १४ मिनेट ३६ सेकेण्डमा दूरी पार गर्दै ग्लोबल विजनेस कलेजका सागर पासवान द्वितीय र १५ मिनेट १५ सेकेण्डमा दूरी पार गर्दै ग्लोबल विजनेश कलेजकै सुशान्त चौधरी तेश्रो भएका छन् ।
साउथ जोन माविका आशु गिरीले सान्त्वना पुरस्कार प्राप्त गरे । त्यस्तै महिलातर्फ १७ मिनेट ३९ सेकेण्डमा निर्धारित दूरी पार गर्दै सिद्धार्थ इन्टरनेशनल कलेजकी प्रिति कुमारी पटेल प्रथम द्वितीय, २३ मिनेट २८ सकेण्डमा दूरी पार गर्दै साउथ जोन माविकी प्रेक्षा गौरो र वीरगन्ज मेगा कलेजकी बेविका कुमारीले २४ मिनेटमा दूरी पार गरेर तेश्रो स्थान हासिल गरेका छन् ।
महिलातर्फ प्रिया सिंहले सान्त्वना पुरस्कार प्राप्त गर्नुभएको छ । विजेताहरुले क्रमशः तीनहजार, दुईहजार र एकहजार प्राप्त गरेका छन् । सात्वनाले पाँचसय प्राप्त गरेका छन् ।
