प्याब्सन नकआउट टी–ट्वाण्टी क्रिकेटमा आदर्श मावि विजयी
ट्रिब्यून न्युज
0
9
वीरगन्ज, ९ माघ । वीरगन्जमा जारी सातौं प्याब्सन अन्तर विद्यालय नकआउट टी–ट्वाण्टी प्रतियोगिताको आजको खेलमा आदर्श मावि विजयी भएको छ ।
वीरगन्जको आदर्शनगर रंगशालामा आज बिहान भएको खेलमा न्यु वेभ माविलाई ८ विकेटले पराजित गर्दै आदर्श मावि विजयी भएको हो । टस जितेर पहिले व्याटिङ गरेको न्यु वेभ माविले १५ ओभरमा एक बल बाँकी रहँदा सबै विकेट गुमाएर ५९ रनको योगफल तयार पारेको थियो ।
६० रनको लक्ष्य सहित जवाफी व्याटिङ गरेको आदर्श माविले ६ ओभर ५ बल मै २ विकेट गुमाएर लक्ष्य भेट्टायो । आजको पहिलो खेलको म्यान अफ म्याच आदर्श माविका सोनु पटेल भए । आजको अर्को खेल मस्कोट एकेडेमी र साउथ जोन माविबीच हुनेछ ।
यी दुईबीचको खेल बिहान साढे ११ बजे हुनेछ । त्यस्तै तेश्रो खेल दिउँसो साढे १ गौतम मावि र विकोन माविबीच हुने आयोजक प्याब्सन पर्साले जनाएको छ ।
