सबै जिल्लामा आज मतपत्र ढुवानी सकिन्छ : निर्वाचन आयोग
ट्रिब्यून न्युज
0
10
वीरगन्ज । निर्वाचन आयोगले वैशाख ३० गते हुने स्थानीय तह निर्वाचनका लागि छापिएका सबै मतपत्र ढुवानीको काम आज सकिने जनाएको छ ।
आवश्यक सम्पूर्ण मतपत्र छपाइको काम सकिएको र ती मतपत्र आजसम्ममा सबै जिल्लामा ढुवानी गरिसक्ने निर्वाचन आयोगका प्रवक्ता शालिकराम शर्मा पौडेलले जानकारी दिनुभयो ।
मतपत्रमा सबैभन्दा माथि राष्ट्रिय पार्टीका चुनाव चिह्न राखिएको छ । त्यसपछि जिल्लामा क्रियाशील राजनीतिक दल तथा स्वतन्त्र उम्मेदवारका चुनाव चिह्नहरु छन् । आयोगका अनुसार हरियो रंगको मतपत्रमा चुनाव चिह्न कालो रंगका छन् ।
यही वैशाख ३० गते बिहान ७ बजेदेखि अपराह्न ५ बजेसम्म देशभरका ७५३ पालिकाका जनप्रतिनिधि चुन्न मतदान हुने छ ।
