महोत्तरीमा अमेरिकन पेस्तोल सहित एक युवक पक्राउ
ट्रिब्यून न्युज
वीरगन्ज, १९ पुस । सशस्त्र प्रहरीले महोत्तरीबाट अमेरिकन पेस्तोल सहित एकजनालाई पक्राउ गरेको छ । महोत्तरीको लोहारपट्टी नगरपालिका ९ पिपरादी इलाकामा रहेको सशस्त्र प्रहरी बल खुटुवा पिपरादी वेसक्याम्पबाट खटिएको सशस्त्र प्रहरीको टोलीले सोही नगरपालिका बस्ने २४ बर्षीय मोहम्द राजा कवाडीलाई आईतबार साँझ पेस्तोल सहित पक्राउ गरेको हो ।
विशेष सूचनाको आधारमा गस्तीमा गएको सशस्त्र प्रहरीको टोलीले उनलाई शंका लागेर चेकजाँच गर्दा उनको साथबाट युएस मेड लेखिएको एकथान ९ एमएमको अमेरिकन पेस्तोल र प्रतिबन्धित लागू औषध नाईट्रोभेट १० पिस बरामद गरेको सशस्त्र प्रहरी बल प्रदेश २ मुख्यालय छिन्नमस्ता बाहिनी बर्दिवासका सशस्त्र प्रहरी नायव महानिरीक्षक गणेश बहादुर ठाडा मगरले जानकारी दिनुभयो ।
हितयार सहित पक्राउ परेको युवकलाई थप अनुसन्धान कारवाहीको लागि नेपाल प्रहरीको जिम्मा लगाईने सशस्त्र प्रहरी नायव महानिरीक्षक ठाडामगरले बताउनुभयो ।
