चोरीको मोटरसाईकल सहित एकयुवक पक्राउ
ट्रिब्यून न्युज
0
8
वीरगन्ज, ८ फागुन । जिल्ला प्रहरी कार्यालय पर्साले मोटरसाइकल चोरीको आरोपमा एकजनालाई पक्राउ गरेको छ । पक्राउ पर्नेमा पर्साको वीरगञ्ज महानगरपालिका वडा नं.१६ बस्ने वर्ष २० का ईरफान देवान रहेका छन् ।
देवानलाई प्रहरी चौकी सिर्सियाबाट खटिएको चेकिङ टोलीले शंका लागेर ना.१६ प ६५९५ नम्बरको रातो रंगको १०६ सीसीको यामाहा मोटरसाईकल सहित नियन्त्रणमा लिएर सोधपुछ गर्दा उक्त फागनु ७ गते राति साढे नौ बजे जिल्ला पर्सा वीरगञ्ज महानगरपालिका वडा नं.१९ बस्ने अनिल साहले घरको आँगनमा पार्किङ गरीराखेको अवस्थामा लक तोडेर चोरी गरेको बयान दिएको जिल्ला प्रहरी कार्यालय पर्साले जनाएको छ ।
देवानलाई चोरी कसूरमा अनुसन्धान भैरहेको प्रहरी प्रवक्ता प्रहरी नायव उपरीक्षक ओमप्रकाश खनालले बताउनुभयो ।
