सशस्त्र प्रहरी पर्साद्वारा अवैध औषधि बरामद
ट्रिब्यून न्युज
0
19
वीरगन्ज, १४ असार । सशस्त्र प्रहरी १३ नम्बर गण हेडक्वाटर पर्साले अवैध औषधि बरामद गरेको छ । सशस्त्र प्रहरी बोर्डर आउट पोष्ट खल्वाटोला सीमा क्षेत्रबाट सशस्त्र प्रहरीले सोमबार साँझ ५ बजेको समयमा बेवारिसे औषधि बरामद गरेको सशस्त्र प्रहरी बल १३ नम्बर हेडक्वाटर पर्साका प्रवत्ता सशस्त्र प्रहरी नायव उपरीक्षक सन्तोष बस्नेतले जानकारी दिनुभयो ।
घाँसको बोरामा लुकाएर साईकलमा लोड गरी भारतबाट अवैध रुपमा नेपालतर्फ ल्याईरहेको अवस्थामा सशस्त्र प्रहरी बोर्डर आउट पोष्ट ड्रापोर्टबाट खटिएको सशस्त्र प्रहरीलाई देख्नासाथ साईकल र बोरा छोडेर व्यक्ति फरार भएको प्रहरी नायव उपरीक्षक बस्नेतले बताउनुभयो ।
बरामद गरिएको औषधिको बजार मूल्य १ लाख ६३ हजार ७ सय ६३ रुपैंया मूल्यांकन गरी आवश्यक कारवाहीको लागि वीरगन्ज भन्सार कार्यालयमा पठाईएको सशस्त्र प्रहरीले जनाएको छ ।
