पप्पु कन्स्ट्रक्सनको ट्यांकरमा आगलागी
ट्रिब्यून न्युज
कृष्णमोहन साह
सेंढवा, वीरगन्ज, १२ साउन । हुलाकी सडक निर्माण स्थलमा पप्पु कन्स्ट्रक्सनको ट्यांकरमा आगलागी भएको छ । पर्साको जिराभवानी गाउँपालिका वडा नम्बर २ लाटोमाइ मन्दिर नजिक निर्माणधिन हुलाकी सडकको लागि अलकत्रा बनाउने ट्यांकरमा मंगलबार बिहान ३ बजेतिर आगलागी भएको इलाका प्रहरी कार्यालय सेंढवाले जानकारी दिएको छ ।
हुलाकी सडक निर्माणको ठेक्का लिएका पप्पु कन्ट्रकसनले निर्माण गरिरहेको वीरगंजको लक्षमनवादेखि जिराभवानीको चमरी होलसम्म सडकमा अल्कत्रा बनाउने ट्याङ्करमा आज बिहान ३ बजेको समय आगलागी भएको छ । बाटो निर्माणको कार्य भैरहेकै बेला ना १ क १७९९ नम्बर को ट्याङ्करमा अचानक आगलागी भएको ईलाका प्रहरी कार्यालय सेढवाका प्रहरी नायब निरीक्षक राजाबाबु यादवले जानकारी दिनुभयो ।
आगलागीबाट ट्याङ्करको पछाडिको भाग पूर्ण रुपमा जलेर नस्ट भएको प्रहरीले जनाएको छ । ट्यांकरमा लागेको आगो, स्थानीय बासी प्रहरी र पोखरिया नगरपालिकाको दम्कलको सहयोगमा नियन्त्रणमा लिएको ईलाका प्रहरी कार्यालय पटेर्वा सुगौलीका प्रहरी निरिक्षक रामकाजी थापाले जानकारी दिनुभयो । आगलागीको कारण भने खुलेको छैन ।
