पत्रकार गाेविन्द देवकाेटा सुवाेध सिंह स्मृति पुरस्कारबाट सम्मानित
ट्रिब्यून न्युज
वीरगन्ज, १ भदौ । सुवोेध स्मृति पत्ररकारिता पुरस्कारबाट पत्रकार गोविन्द देवकोटा सम्मानित हुनुभएको छ । प्रतीक प्रकाशन समूहले स्थापना गरेको सुवोध स्मृति फोटो पत्रकारिता पुरस्कारबाट देवकोटा प्रतीक दैनिकको ३६ औं बार्षिकोत्सवको अवसरमा सम्मानित हुनुभएको हो ।
उहाँलाई प्रमुख अतिथि प्राध्यापक वासुदेलाल दास, अतिथिहरू प्रमुख जिल्ला अधिकारी उमेश कुमार ढकाल, वीरगन्ज उद्योग वाणिज्य संघका अध्यक्ष सुवोध गुप्ता, नेपाल पत्रकार महासंघका केन्द्रीय सदस्य केसी लामिछाने, प्रधान सम्पादक जगदीश प्रसाद शर्मा लगायतले सम्मान गर्नुभएको थियो ।
देवकोटालाई ५१ हजार नगद राशी सहित दोसल्ला ओढाएर सम्मानपत्रले सम्मान गरेका थिए। त्यस्तै प्रतीक दैनिकको उत्कृष्ट संवाददाता पुरस्कारबाट संवाददमता राधेश्याम पटेललाई १५ हजार नगद राशी सहित सम्मानपत्र सहित सम्मानित गरिएको छ । उहाँलाई पर्साका सहायक प्रमेख जिल्ला अधिकारी भीमकान्त पौडेल, पत्रकार महासंघ मधेस प्रदेशका महासचिव श्याम बञ्जारा लगायतले सम्मान गरेका थिए ।
प्रतीक प्रकाशन समूहकी अध्यक्ष विन्दु शर्माको अध्यक्षतामा भएको कार्यक्रममा प्रतीक दैनिकका स्तम्भकार विश्वराज अधिकारी, कर्मचारी मोहनदास तत्वालाई पनि सम्मान गरिएको छ । प्रधान सम्पादक जगदीश प्रसाद शर्माले पर्साामा सञ्चार क्षेत्रको विकास र सम्वर्द्धनमा महत्त्वपूर्ण भूमिका खेलेकोले पत्रकार देवकोटालाई सम्मान गरिएको बताउनुभयो ।
कार्यक्रममा मुख्य अतिथि वासुदेवलाल दास, प्रमुख जिल्ला अधिकारी उमेश कुमार ढकाल, नेपाल पत्रकार महासंघका केन्द्रीय सदस्य केसी लामिछाने, पुरस्कृत पत्रकार गोविन्द देवकोटा, नेपाल पत्रकार महासंघ मधेस प्रदेशका महासचिव श्याम बञ्जारा, पर्सा अध्यक्ष अनुप तिवारी, वीरगन्ज उद्योग वाणिज्य संघका अध्यक्ष डा.सुवोध गुप्ता, युवा नेता दिलिपराज कार्की लगायतले शुभकामना मन्तव्य व्यक्त गरेका थिए । विभिन्न संघसंस्थाका प्रतिनिधिहरूको सहभागिता रहेका थिए ।
