सशस्त्र प्रहरीद्वारा भन्सार छलिको कपडा र रेडबुल बरामद
ट्रिब्यून न्युज
वीरगन्ज, २२ माघ । भन्सार छलि गरि ल्याएको कपडा र पेयपदार्थ रेडबुल सशस्त्र प्रहरीले बरामद गरेको छ । सशस्त्र प्रहरी बोर्डर आउट पोष्ट वीरगन्ज भन्सारका सशस्त्र प्रहरी निरीक्षक सुवर्ण बहादुर बमको नेतृत्वमा खटिएको सशस्त्र प्रहरीको टोलीले भन्सार छलि गरी ल्याईएको कपडा र रेडबुल बरामद गरेको हो ।
सशस्त्र प्रहरीले वीरगन्जको बसपार्कबाट अन्दाजी पाँचलाख ८५ हजार चारसय ६० मूल्य बराबरको सटिङसुटिङ कपडा बरामद गरेको छ । प्रदेश ३–०३–००१ ख ०११८ नम्बरको बसमा पछाडिको दुवैवटा टायरमाथि फल्स बटम बनाई लुकाई छिपाइ ल्याएको सटिङ सुटिङको कपडा र रेडबुल बरामद गरेको सशस्त्र प्रहरी १३ नम्बर गण हेडक्वाटरका सशस्त्र प्रहरी नायव उपरीक्षक निर्मल थापाले जानकारी दिनुभयो ।
सशस्त्र प्रहरीले बरामद गरेको पाँच लाख ८५ हजार चारसय ६० रुपैंया मूल्य बराबरको कपडा र रेडबुल तथा सवारी साधन बसको ११ लाख ५० हजार मूल्य गरेर १७ लाख ३५ हजार चारसय साठ्ठी मूल्यांकन गरी आवश्यक कारवाहीको लागि वीरगन्ज भन्सार कार्यालयमा बुझाईएको सशस्त्र प्रहरी १३ नम्बर गण हेडक्वाटरका सशस्त्र प्रहरी नायव उपरीक्षक निर्मल थापाले जानकारी दिनुभयो ।
