को-अपरेटिभ लिडर्स क्लब पर्सांद्वारा शुभकामना आदान प्रदान
ट्रिब्यून न्युज
वीरगन्ज, २५ असोज । कोअपरेटिभ लिडर्स क्लब पर्साको आयोजनामा विजयादशमी, शुभ दिपावली तथा छठ पर्वहरुको शुभकामना आदान प्रदान कार्यक्रम सम्पन्न भएको छ ।
जिल्ला समन्वय समिति पर्साको सभाकक्षमाभएको कार्यक्रममा लिडर्स क्लबका अध्यक्ष रामनिवास देहातीको सभापतित्व सम्पन्न कार्यक्रममा प्रमुख अतिथि नेफस्कुन संचालक समितिका सदस्य हरे राम पटेल रहनु भएको थियो ।
कार्यक्रममा जिल्ला बचत संघका वरिष्ठ उपाध्यक्ष असगर अलि अंसारी बिशिष्ट अतिथि रहनु भएको थियो । कार्यक्रममा जिल्ला बचत संघका उपाध्यक्ष राकेश यादब, जिल्ला बचत संघ पर्साका संचालक नग नारायाण सिंह, जिल्ला बचत संघ पर्साका संचालक विजय गुप्ता,
जिल्ला बचत संघ पर्साका संचालक गिरीराज कडेँल, कृषि सहकारी संघका अध्यक्ष शिव कुमार, श्रीनिधि साकोस उपाध्यक्ष मनोज गुप्ता, युवा स्वरोजगारका सुनिल कुमार रौनियार, जय अम्बे महिला सहकारीबाट निरा झा, गोदावरी साकोसका अध्यक्ष प्रदिप पटेल,
फूल साकोसका अध्यक्ष संदिप पटेल, नवजिवन साकोसका राम बिनेश ठाकुर, हृदय नारायण शाह, ताज साकोसका अध्यक्ष ताज मियाँ लगायतको उपस्थिति रहेको थियो । कार्यक्रमको संचालन धार्मराज कुश्वाहाले गर्नुभएको थियो ।
