सिन्धुपाल्चोकका बाढीपीडितको लागि स्वेता खड्का नेतृत्वको हाम्रो टिम नेपालको सहयोग
ट्रिब्यून न्युज
वीरगन्ज ३ असार । दुईदिन अघि परेको अविरल बर्षाको बाढीले क्षतविक्षत बनाएको सिन्धुपाल्चोक मेलाम्चीका बाढी पीडितलाई नायिका श्वेता खड्काको हाम्रो टिम नेपाल संस्थाले सहयोग गर्ने भएको छ । नायिका खड्काले सामाजिक सञ्जालमा लेख्दै उहाँले काठमाडौंलाई पानीको प्यास मेटाउने मेलाम्ची आँशुको भेलमा डुबेको बेला हेरेर बस्न नसकिने बताउनु भएको छ ।
उहाँले भन्नुभएको छ, ‘सिन्धुनको समस्यामा हाम्रो साथ’ भनेर उहाँले लेख्नुभएको छ, ‘काठमाडौंलाई पानीको प्यास मेटाएर आपूm भने आँशुको भेलमा डुबिरहेकी मेलाम्चीको दुःख र पीडालाई टुलुटुलु हेरेर कहाँ बस्न सकिन्छ र ! मेलाम्चीको दर्दनाक अवस्थामा साथ र सहयोगको हात बढाउन आवश्यक रहेको पनि बताउनु भएको छ ।
उहाँले समाजसेवी इशा गुरुङको पहलमा हाम्रो टिम नेपालले ५० थान सिरक र डस्ता लगायतका राहत सामग्रीको व्यवस्था गरेको बताउनु भएको छ । खड्का राहत लिएर शुक्रबार मेलाम्ची जाने पनि जानकारी गराउनु भएको छ ।
