श्रीमतीको हत्या गरी फरार रहेका श्रीमान पक्राउ
ट्रिब्यून न्युज
0
9
बारा, ५ जेठ । जिल्ला प्रहरी कार्यालय बाराले श्रीमती हत्या गरेर फरार रहेका श्रीमानलाई पक्राउ गरेको छ । आफ्नी श्रीमतीलाई हत्या गरी फरार रहेका बाराको जीतपुर सिमरा उप–महानगरपालिका वडा नं.–३ बजनी छिमेकी टोल बस्ने वर्ष ५६ को हरि बाहदुर कार्कीलाई प्रहरीले पक्राउ गरेको हो ।
कार्कीले आफ्नो श्रीमती वर्ष ४५ की पार्वती कार्कीलाई घरको माथिल्लो तल्लामा ईँटाले टाउकोमा प्रहार गरी कर्तव्य गरी मारी भागी फरार भएका थिए । उनलाई इलाका प्रहरी कार्यालय सिमरा बाराबाट खटिएको प्रहरी टोलीले जितपुर सिमरा उ।म।न।पा वडा न–२ मा लुकेर बसेको अवस्थामा पक्राउ गरेको हो ।
पक्राउ परेका व्यक्तिको विषयमा थप अनुसन्धान भईरहेको जिल्ला प्रहरी कर्यालय बाराका प्रवक्ता प्रहरी नायव उपरीक्षक गौतम मिश्रले जानकारी दिनुभयो ।
