छपकैया गूठीद्वारा न्यानो कपडा वितरण
ट्रिब्यून न्युज
वीरगन्ज, १९ पुष । वीरगन्जको छपकैयामा रहेको गूठी तथा छपकैया नेपाली समाजले न्यानो कपडा वितरण गरेको छ । प्रहरी बिट छपकैया–२ मा छ्पकैया गूठी तथा छपकैया नेपाली समाजका अध्यक्ष धिरज शर्माको अध्यक्षतामा मंगलवार बिहान भएको कपडा वितरण कार्यक्रमको
प्रमुख अतिथि वडा प्रहरी कार्यालय वीर्ताका प्रमुख प्रहरी निरीक्षक विशाल मल्लले गरिब, विपन्न, असहायहरुलाई न्यानो कपडा वितरण गर्नुभएको थियो । शम्भु बहादुर थापा क्षेत्रीको सन्योजनमा भएको कार्यक्रममा १५० जनालाई कपडा बितरण गरिएको अध्यक्ष धिरज शर्माले जानकारी दिनु भयो ।
कपडा बितरण कार्यक्रममा सामुदायिक सेवा केन्द्र छपकैया–२ का अध्यक्ष हाजी ग्यासुदिन ठकुराई , सल्लाहकार लक्ष्मण थापा, गूठीका उपाध्यक्ष प्रबीण बिक्रम शाह, उपाध्यक्ष राजेश जंग राणा, सचिव अजित कुमार भुजेल लगायत छपकैया गूठीका पदाधिकारी, सदस्यहरु तथा वडा प्रहरी कार्यालय वीर्ताका प्रहरीहरुको पनि उपस्थिति रहेको थियो ।
