ड्राईपोर्ट चोकमा ट्रकको ठक्करबाट वृद्धको मृत्यु
ट्रिब्यून न्युज
0
10
वीरगन्ज, १४ मंसिर । वीररगंज पोखरिया सडकखण्ड अन्तर्गतको ड्राईपोर्ट चोकमा सवारी दुर्घटना हुँदा एक साईकल यात्रीको घटना स्थलमै मृत्यु भएको छ ।
वीरगञ्ज महानगरपालिका वडा नं.२५ चण्डालचोक स्थित सडकखण्डमा बहुअरीबाट आईसीपी गेटतर्फ जाँदै गरेको ना. ३ ख ६०७५ नम्बरको ट्रकको ठक्करबाट साईकल यात्री स्थानीय बहुअरी बस्ने अन्दाजी ७० बर्षका रूपा राउत कुर्मीलाई बुधबार साँझ करिब ५ बजे ठक्कर दिँदा साईकल यात्रीको मृत्यु भएको हो ।
ट्रकको ठक्करबाट घाईते रूपा राउत कुर्मीलाई उपचारको लागी नारायणी अस्पताल वीरगञ्जमा पुर्याउदा चिकित्सकले मृत घोषणा गरेको प्रहरीले जनाएको छ ।
ट्रक तथा चालक वीरगञ्ज महानगरपालिका वडा नं.२२ जगरनाथपुर बस्ने वर्ष २५ को छोटु कुमार कुशवाहालाई नियन्त्रण लिई थप अनुसन्धान भैरहेको जिल्ला प्रहरी कार्यालय पर्साले जनाएको छ ।
