सुवर्णपुरको विद्यालयमा चोरी गर्ने युवक पक्राउ
ट्रिब्यून न्युज
0
32
कृष्णमोहन साह
वीरगन्ज, २३ जेठ । पर्साको ठोरी गाउँपालिका वडा नम्बर–५ सुवर्णपुरमा रहेको सखुवाटी प्राविमा भएको चोरीको घटनामा संलग्न एक युवक पक्राउ परेका छन् । पक्राउ पर्नेमा सुवर्णपूरको विद्यालय नजिकैका स्थानीय २० बर्षीय युवक विटु यादव रहेका छन् ।
उनलाई भारतीय प्रहरीको सहयोगमा नेपाल प्रहरीले भारतबाट पक्राउ गरेर ल्याएको जनाएको छ । उनले विद्यालयको सामान चोरी गरेको समेत साविती बयान दिएको प्रहरीले जनाएको छ ।
अस्तीराति विद्यालयको ताल्चा रडले फोडेर डेल कम्पनीको एउटा ल्यापटप, प्रोजेक्टर, पानी तान्ने मोटर लगायतका सामाग्री चोरी भएको बिद्यालयका प्रधानाध्यापक अमृत श्रेष्ठले बताउनु भयो ।
पक्राउ परेको युवकलाई थप अनुसन्धान कारवाहीको लागि जिल्ला प्रहरी कार्यालय पर्सामा पठाउने तयारी भएको प्रहरी चौकी सुवर्णपुरले जनाएको छ ।
