कलैयामा वाणिज्य कार्यालयको अनुगमन, आठवटा पसल तथा फर्म कारवाहीमा
ट्रिब्यून न्युज
वीरगन्ज, १७ असार । वाणिज्य आपूर्ति तथा उपभोत्ता हित संरक्षण कार्यालय वीरगन्जले शुक्रबार कलैयाका पसल तथा फर्महरुमा अनुगमन गरेको छ ।
कार्यालयका निरीक्षण अधिकृत नमोनाथ प्रसाद यादवको नेतृत्वमा जिल्ला स्थित सरकारी कार्यालयका प्रतिनिधि तथा बारा उद्योग वाणिज्य संघका प्रतिनिधि सहितको टोलीले कलैया बजार अनुगमन गरेको हो ।
अनुगमनका क्रममा उपभोत्ता संरक्षण ऐन विपरित काम गरेका विभिन्न पसल तथा फर्महरुलाई कारवाही गरेको छ । कलैयाको पोशाक इम्पोरियम र खुश्बु साडी सेंटर कलैयालाई २०–२० हजार जरिवाना गराएको छ ।
उनीहरुले विल विजक नदेखाएको कसुरमा कारवाही स्वरुप जरिवाना गरिएको वाणिज्य आपूर्ति तथा उपभोत्ता हित संरक्षण कार्यालय वीरगन्जका सूचना अधिकार दिलिप खंग खत्वेले जानकारी दिनुभयो ।
त्यस्तै न्यु नबिन बस्त्रालय र प्रियंका रेडिमेड जेनरल स्टोरलाई खरिद बिल नदेखाएकोले १०–१० हजार जरिवाना तिराएको खत्वेले बताउनुभयो ।
जवाहर लाल हार्डवेयर कलैया, गौरीशंकर सप्लायर्स, चौधरी किराना पसललाई पाँच–पाँच हजार र जय बाबा अमरनाथ किराना भण्डारलाई अनुगमन कार्यमा असहयोग गरेकोले तीन हजार जरिवाना गराएको छ ।
कारवाही गरि जरिवाना गरिएका पसल तथा फर्महरुलाई ७ दिन भित्र कार्यालयको राष्ट्रिय बाणिज्य बैंकको खातामा दखिला गरी भौचर कार्यालयमा पेश गर्न निर्देशन दिएको बाणिज्य आपूर्ति तथा उपभोक्ता संरक्षण कार्यालयले जनाएको छ । श्री क्यान बस्त्रालयको कुनै कैफियत नभेटिएको जनाएको छ ।
