होटल तथा पर्यटन व्यवसायी संघद्वारा उद्योग वाणिज्य संघ र पत्रकार महासंघका पदाधिकारीहरुलाई सम्मान
ट्रिब्यून न्युज
ट्रिब्यून न्युज
वीरगन्ज, ३१ चैत । वीरगंज उद्योग बाणिज्य संघ र नेपाल पत्रकार महासंघमा निर्वाचित पदाधिकारी तथा सदस्यहरुलाई होटल तथा पर्यटन व्यवसायी संघ वीरगंजले सम्मान गरेको छ । सोमबार वीरगंजको कुमु होटलमा आयोजना गरेको कार्यक्रममा संघले वीरगंज उद्योग वाणिज्य संघ र नेपाल पत्रकार महासंघमा निर्वाचित सम्पूर्णलाई सम्मान गरेको हो ।
वीरगंज उद्योग वाणिज्य संघको अध्यक्षमा निर्वाचित सुबोध गुप्तासहितको सम्पूर्ण कार्य समिति र नेपाल पत्रकार महासंघको केन्द्रीय सचिवमा निर्वाचित दिपेन्द्र चौहान, पत्रकार महासंघ प्रदेश नं. २ को महासचिवमा निर्वाचित श्याम बन्जारा र पर्साका कार्यसमिति पदाधिकारीहरुलाई सम्मान गरेको थियो ।
होटल तथा पर्यटन व्यसायी संघका अध्यक्ष हरि पन्तको अध्यक्षता र संविधान सभा सदस्य एवम् होटल तथा पर्यटन व्यवसायी संघका संरक्षक अनिल रुङ्गटाको प्रमुख आतिथ्यतामा भएको कार्यक्रममा बिरगंज उद्योग बाणिज्य संघका वरिष्ठ उपाध्यक्ष हरि गौतम, सशस्त्र प्रहरी उपरीक्षक राजेन्द्र खड्का, चन्डी गणका गणपति मदन जङ् राणा,
पर्साका प्रहरी उपरीक्षक बेल बहादुर पाण्डे, होटल व्यवसायीका सल्लाहकार पशुपति बिक्रम शाह, उषा शाह लगायतकाले मन्तव्य व्यक्त गरेका थिए । स्वागत मन्तव्य शेखर चौधरीले राखेको कार्यक्रमको सन्चालन निरज पिठाकोटे मगरले गर्नुभएको थियो ।
