वीर्तामा निःशुल्क घुम्ती शिविर सम्पन्न
ट्रिब्यून न्युज
वीरगन्ज, ३० साउन । वीरगन्ज सामुदायिक आँखा केन्द्र र प्रभु अस्पतालको प्राविधिक सहयोग तथा रुंगटा वेलफेयर सोसाईटीको सहयोगमा निःशुल्क घुम्ती शिविर सम्पन्न भएको छ । सामुदाय प्रहरी साझेदारी अन्तर्गत ग्रिनसिटी सामुदायिक केन्देको अगुवाईमा वीरगन्जको वीर्तामा निःशुल्क घुम्ती शिविर सम्पन्न भएको हो ।
घुम्ती शिविरमा प्रभु अस्पतालका फिजिसियन डाक्टर रबिरञ्जन साहको नेतृत्वमा रहेको चिकित्सक तथा स्वास्थ्यकर्मीहरुको टोलीले ८२ जनाको विभिन्न स्वास्थ्य चेकजाँच गरिएको ग्रिनसिटी सामुदायिक केन्द्र आदर्शनगरका अध्यक्ष प्रकाश खेतानले जानकारी दिनुभयो । त्यस्तै शिविरमा दृष्टि विशेषज्ञ प्रभात चौरसियाको नेतृत्वमा रहेको टोलीले ८६ जनाको आँखा परीक्षण गरिएकोमा त्यसमध्य १३ जनामा मोतिया विन्दु फेला परेको वीरगन्ज सामुदायिक आँखा अस्पतालका मेडिकल कोअर्डिनेटर महेश सिंह धामीले जानकारी दिनुभयो ।
शिविरको प्रमुख अतिथि नेपाली सेना श्रीजंग गणका गणपति प्रमुख सेनानी डायमण्ड कार्की र वीरगन्ज महानगरपालिका वडा नम्बर ४ का वडा अध्यक्ष जगत साह कानुले संयुक्त रुपमा उदघाटन गर्नुभएको थियो ।
कार्यक्रममा जिल्ला ट्राफिक प्रहरी कार्यालय पर्साका प्रमुख प्रहरी निरीक्षक ध्रुव प्रसाद दाहाल, वडा प्रहरी कार्याल वीर्ताका प्रहरी निरीक्षक विशाल मल्ल, वीरगन्ज महानगरपालिकाका कार्यपालिका सदस्य राधा कार्की, प्रभु अस्पतालका प्रशासन प्रमुख दिलिपराज कार्की, सामाजिक अभियन्ताहरु सावरियाँ ग्रुपका प्रवन्ध निर्देशक श्याम शर्मा, ओम कुमार झा, विक्की सर्राफ लगायतको उपस्थिति रहेको थियो ।
