नारायणी अस्पतालमा थप एक पुरुषको कोरोना संक्रमणका कारण मृत्यु
ट्रिब्यून न्युज
0
8
वीरगन्ज, १३ बैशाख । वीरगन्जमा थप एकजनाको कोरोना संक्रमणका कारण मृत्यु भएको छ । वीरगन्जको नारायणी अस्पतालमा भर्ना भएका वीरगन्ज वडा नम्बर ६ का ६० बर्षका पुरुषको आज बिहान साढे नौ बजे मृत्यु भएको नारायणी अस्पतालका कोभिड कोअर्डिनेटर डाक्टर सरोज रोशन दासले जानकारी दिनुभयो ।
बैशाख २ गते कोरोना संक्रमण पुष्टि भएपछि उनलाई बैशाख ३ गते नारायणी अस्पतालमा भर्ना गरिएको थियो । विभिन्न रोगका कारण शारिरिक अस्वस्थ रहेका उनको स्वास्थ्यमा जटिल समस्या देखिएपछि अस्पतालमा भर्ना गराई उपचार भईरहेको थियो । कडा खालको निमोनिया समेत देखिएको उनको उपचारकै क्रममा आज मृत्यु भएको अस्पतालका कोभिड कोअर्डिनेटर डाक्टर दासले बताउनुभयो ।
