अलिकति नैतिकता छ भने राजीनामा दिनुस् नत्र हटाउछौं : बर्षमान पुन
ट्रिब्यून न्युज
ट्रिब्यून न्युज । नेकपाका स्थायी समिति सदस्य वर्षमान पुनले प्रधानमन्त्री केपी ओलीलाई तत्काल राजीनामा दिन सुझाव दिनु भएको छ । रोल्पाको सुलिचौर पुगेर नेता पुनले भन्नुभयो, “अलिकित नैतिकता छ भने राजीनामा दिनुस्, मैले जनतामा जाने संकल्प गरे । मेरो लाईन त्यो थियो तर फेल भयो, जनताले रोक्यो, सर्वोच्च अदालतले रोक्यो,प्रतिनिधि सभाको दुई वर्षको कार्यकालमा म केही जिम्मा लिँदैन भन्नुस् । तपाईका अहिलेका कमजोरी, अहिलका आलोचना रातारात पाखालीने छन् । तपाईंको व्यक्तित्व अग्लिने छ ।”
प्रथम सुनिल स्मृति गाउपालिका अध्यक्षकप खेलकुद प्रतियोगितालाई सम्बोधन गर्दै निवर्तमान ऊर्जामन्त्री समेत रहेका रोल्पाका जनप्रतिनिधि पुनले प्रधानमन्त्री ओलीले विकास, राजनीति र सुशासनको गन्तव्यबाट विमुख भएको टिप्पणी गर्नुभयो ।
प्रधानमन्त्री ओलीले नेकपाले घोषणा गरेको जस्तो विकासको सपना पुरा गर्न सक्नु भएन । आज गर्नुपर्ने काम नगर्ने तर १०,२० वर्षपछि हुनसक्ने कामलाई सपनाको रुपमा बाढ्ने काम भयो । उहाँले पानी जहाज कार्यालय उद्घाटन गरेर टिकट काट्न तयार हुनुस भन्नुभयो ।
तर कुसुन्तीमा अहिले पनि पानीजहाजको कार्यालयमा माकुराले जालो लगाएको छ, उनले भने । कामको प्राथामिकता छुट्याउने र सोही अनुसार काम गर्ने क्षमता प्रधानमन्त्रीमा नरहेको अनुभव आफूले संवै क्याविनेटमा गरेको उनको भनाई थियो ।
अहिले पनि २० प्रतिशन नागरिक खाना नपुग्ने अवस्थामा छन् । संविधानले खाध्य सुरक्षाको ज्ञारेन्टी गरेको छ । तर प्रधानमन्त्री त्यो प्राथामिकताको विषयमा प्रवेश गर्नुभएन । भोली रेल, पानी जहाज पनि ल्याउने हो । तर आजको आवश्यकता र प्राथामिकता किटान गरेर काम गर्नुपर्दछ ।
प्रथामिकता किटान नहुंदा प्रधानमन्त्रीको आलोचना भयो । त्यसपछि उहाँ आलोचक खोज्दै गाली गर्न थाल्नुभयो । विश्वभर कोरोनाको सुई पत्ता लागिरहेको थिएन । तर प्रधानमन्त्री ओली बेसार पानी र तातो पानीको कुरा गर्न थाल्नुभयो, नेता पुनले भने ।
नेता पुनले भने,“ यसरी देश चल्दैन, केही दिनपछि ओली जि हटाइनुभयो,अविश्वासको प्रस्ताव पेश भयो र नयाँ गठवन्धन बन्यो भनेर सुन्न पाउनु हुनेछ ।”
नेता पुनले लुम्बिनी प्रदेशका मुख्यमन्त्री शंकर पोख्रेल र गण्डकी प्रदेशका मुख्यमन्त्री पृथ्वीसुब्बा गुरुङलाई पनि हटाउने चेतावनी दिए । उनीहरुले प्रदेशको स्वायत्तता बचाउने भन्दापनि प्रधानमन्त्रीको अलोकतान्त्रिक कदम र असंवैधानिक कदमलाई समर्थन गरेको नेता पुनलको भनाई छ । प्रधानमन्त्रीले प्रदेश विघटन गर्छु भन्दापनि मुख्यमन्त्री पोख्रेल र गुरुङले सुनेर बसेको टिप्पणी गरे ।
उनले भने,“यतैतिर शंकर पोख्रेल जीले माओवादी केन्द्र, प्रचण्डको ग्रुपले अब चुनाव जित्ने जम्मा रोल्पा र रुकुम हो तर त्यहाँबाट पनि हार्दैछन् भन्नुहुन्थ्यो । त्यो त दुईवर्षपछिको कुरो हो हेरौला । तर अहिले शंकर जी हटाइदै हुनुहुन्छ । पृथ्वीसुब्बा जी हटाइदै हुनुहुन्छ । केही हप्ताभित्र उहाँहरु मुख्यमन्त्री रहनुहुन्छ । मलाई माफ गर्नुहेला म यत्ति भन्न बाध्य भए ।”
