चोरी गर्दै गरेका युवक माईस्थानबाट पक्राउ
ट्रिब्यून न्युज
0
5
वीरगन्ज, ९ जेठ । वीरगन्जको व्यस्त बजार माईस्थानमा चोरी गरेको आरोपमा एक युवकलाई पक्राउ गरेको छ । सीमावर्ती भारतीय सहर रक्सौलबाट आएर वीरगन्जको व्यस्त बजार माईस्थानमा चोरी गर्दा गर्दै एक युवक पक्राउ परेको हो ।
माईस्थानस्थित ग़हवामाई मन्दिरमा पूजा गर्ने एक महिलाको ब्यागबाट मोबाइल र पैसा चोरी गर्दै गर्दा उनी पक्राउ परेका हुन् । युवकको नाम भने खुलाएको छैन ।
युवकको साथबाट नगद एकलाख भारतीय रुपैँया र मोबाइल समेत बरामद भएको छ । उनलाई माईस्थानमा खटिएको ट्राफिक प्रहरीले नियन्त्रणमा लिएर आवश्यक अनुसन्धानका लागि जिल्ला प्रहरी कार्यालय पर्सामा पठाएको छ ।
