वाईसियल पर्साद्वारा पाँचबुँदे माग सहित प्रजिअ मार्फत प्रधानमन्त्रीलाई ज्ञापनपत्र
ट्रिब्यून न्युज
वीरगन्ज, २६ फागुन । नेकपा माओवादी केन्द्रको सहायक संगठन योङ्ग कम्युनिष्ट लिग (वाईसियल) पर्साले विभिन पाँचबुँदे माग राख्दै जिल्ला प्रशासन कार्यालय पर्सामा ज्ञापनपत्र बुझाएको छ ।
गणतन्त्रलाई संस्थागत बिकास गर्न र शान्ति प्रक्रियाका बाँकी कार्यहरू तार्किक निष्कर्षमा पुर्याउनु पर्ने बेला केही अवाञ्छित तत्वहरू सक्रिय भइरहेको सन्दर्भमा संगठनको गंभीर ध्यानाकर्षण भएको भन्दै पर्सा जिल्ला प्रशासन कार्यलय मार्फत सम्मानीय प्रधानमन्त्री तथा मन्त्रिपरिषद को कार्यलयमा ज्ञापन बुझाएका हुन् ।
संगठनका पर्सा संयोजक दीपेन्द्र सिंह पटेलको नेतृत्व तथा संगठनका केन्द्रीय सदस्य एवं पर्सा इञ्चाव गौरव संतोष पटेलको विशेष उपस्थितिमा पर्साका सहायक प्रमुख जिल्ला अधिकारी भीमकान्त पौडेललाई ज्ञापनपत्र बुझाएका छन् ।
ज्ञापनपत्रमा शान्ति सम्झौता र संक्रमणकालिन न्याय विरुद्ध भईरहेको चलखेल र षड्यन्त्रप्रति वाईसियललेको ध्यानाकृष्ट भएको भन्दै शान्ति प्रकृयाका बाँकी कामहरु सत्य निरुपण तथा मेलमिलाप र बेपत्ता पारिएका व्यक्तिहरुको छानविन सम्बन्धि आयोग गठन गरी संक्रमणकालीन न्यायको बारेमा मुलुकमा उठेका महत्वपूर्ण विषयहरुको निरुपण गर्न शान्ति प्रकृयाको कामलाई विस्तृत शान्ति सम्झौता र संविधानको भावना र मर्म अनुसार तार्किक निष्कर्षमा पु¥याउन माग गरेको छ ।
त्यस्तै नेपाल सरकारको विभिन्न निकायमबाट भईरहेको भ्रष्टाचार, घुसखोरी, अनियमितता र ढिलासुस्तीहरुको अन्त्य गरी सुशासन कायम गरी जनताको सरकारको रुपमा प्रत्याभूत दिलाउन लगायतका पाँच बुँदे माग संगठनले राखेको छ ।
