२० लाख हुण्डीको रकम सहित एकजना पक्राउ
ट्रिब्यून न्युज
वीरगन्ज, २३ कार्तिक । जिल्ला प्रहरी कार्यालय पर्साले हुण्डीको रकम सहित एकजनालाई पक्राउ गरेको छ । वीरगन्जको घण्टाघरबाट आदर्शनगर जादै गरेको
ना.४८ प. ७६९१ नम्बरको मोटरसाइकललाई शंका लागेर चेकजाँच गर्दा मोटरसाईकलमा सवार बारा जिल्ला बिश्रामपुर गाउँपालिका वडा नं.५ नकटुवा बस्ने वर्ष ३१ को चन्दन कुमार साहलाई श्रोत नखुलेको २० लाख नगद सहित जिल्ला प्रहरी कार्यालयबाट खटिएको टोलीले वीरगञ्ज महानगरपालिका वडा नं. ८ घण्टाघर स्थित सडकखण्डमा पक्राउ गरेको हो ।
विशेष सूचनाको आधारमा कार्तिक २२ गते सोमबार दिउँसो १ः ३० बजेको समयमा चेकजाँच गर्दा चन्दनले बोकेको ब्यागमा श्रोत नखुलेको नेपाली २० लाख रुपैंया फेला परेको जिल्ला प्रहरी कार्यालय पर्साका प्रहरी नायव उपरीक्षक ओमप्रकाश खनालले बताउनुभयो ।
मोटरसाईकल र नगद रकम सहित पक्राउ परेका उनलाई जिल्ला प्रहरी कार्यालय पर्साको हिरासतमा राखेर बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान अगाडि बढाइएको प्रहरी प्रवत्ता प्रहरी नायव उपरीक्षक खनालले बताउनुभयो ।
