हिमालयन हेल्पीङ्ग ह्याण्ड्स समूहद्धारा गुरु सम्मान तथा होली मिलन कार्यक्रम
ट्रिब्यून न्युज
वीरगन्ज, २८ फागुन । हिमालयन हेल्पिङ्ग हैण्डस समूहले शनिबार ओम शिवशक्ति बचत तथा ऋण सहकारी संस्था परवानीपुरमा गुरु सम्मान तथा होली मिलन कार्यक्रम आयोजनाको गरेको हो ।
समूहका अध्यक्ष अरुण कुमार साहको अध्यक्षतामा भएको कार्यक्रममा हिमालयन माबिका शिक्षक मदन मोहन शर्मा (गुरु शर्मा), सचितानन्द कर्ण, प्रमोद पाण्डेय र राज कुमार साहलाई दोसला तथा अबिर लगाई सम्मान गरिएको थियो । उहाँहरुलाई मायाको चिनो सहित प्रदान गरिएको हो ।
कार्यक्रममा शिक्षक मदन मोहन शर्मा (गुरु शर्मा),ले भूतपुर्व विद्यार्थीहरुको एकता देखेर खुशी व्यक्त गर्नुभयो । विद्यार्थीहरुको नयाँ किसिमको अभ्यासले नयाँ पुस्तालाई एक फरक शिक्षा दिने पनि बताउनुभयो । उहाँले आउने दिनमा शिक्षकहरुलाई थप उच्च मनोवलका साथ काम गर्ने हौसला प्राप्त भएको पनि बताउनुभयो ।
उक्त अवसरमा शिक्षक सचितानन्द कर्ण, प्रमोद पाण्डेय र राज कुमार साहले पनि मंत्वय व्यक्त गर्नु भएको थियो । कार्यक्रममा हिमालयन हेल्पीङ्ग ह्यण्ड्स समूहका अध्यक्ष अरुण कुमार साहले संस्थाको बारेमा प्रकाश पारेका थिए ।
त्यस्तै कोषाध्यक्ष नवजात शिशु तथा बाल रोग बिशेषज्ञ डाक्टर आनन्द कुमार रौनियाले निःशुल्क बहिरंग सेवा संचालन गर्ने घोषणा समेत गर्नुभयो । कार्यक्रमको सहजीकरण रंजित गुप्ता तथा द्वपेन्द्र ठाकुरले संयुक्त रुपमा गरेका थिए ।
