महिला संघले ७४ औं स्थापना दिवसमा दीप प्रज्जवलन
ट्रिब्यून न्युज
0
8
वीरगन्ज, २५ साउन । नेपाली कांग्रेस निकटको नेपाल महिला संघ पर्साले स्थापना दिवसको अवसरमा दीप प्रज्जवलन गरेको छ । वीरगन्जको माईस्थान स्थित पार्कमा आईतबार साँझ संघको ७४ औं स्थापना दिवसको अवसरमा दीप प्रज्वलन गरेको हो ।
संघकी पर्सा अध्यक्ष विद्या श्रेष्ठको अध्यक्षतामा भएको कार्यक्रममा प्रमुख अतिथि वीरगन्ज महानगरपालिकाकी उपप्रमुख शान्ति कार्कीले दीपप्रज्जवलन गरेर स्थापना दिवसको उदघाटन गर्नुभएको थियो ।
कार्यक्रममा नेपाली कांग्रेस पार्टीका जिल्ला सभापति अजय द्विवेदी, सचिव श्याम पटेल, सहसचिव किरण सरकार, वडा नम्बर ६ का अध्यक्ष ध्रुव नेपाल, कोपिला कंडेल चौरसिया, विद्यार्थी नेता दिलिपराज कार्की लगायतको उपस्थिति रहेको थियो ।
