सवारी दुर्घटनामा तीनजना घाईते
ट्रिब्यून न्युज
0
31
वीरगन्ज, २१ जेठ । वीरगन्जको बाईपासमा सवारी दुर्घटनामा तीनजना घाईते भएका छन् । दुर्घटनामा परी घाईते एकजनाको अवस्था गम्भीर रहेको छ । वीरगन्ज महानगरपालिका वडा नम्बर १५ बाईपास ब्रह्मचोकमा मालवाहक पिकअप र मोटरसाईकल एकआपसमा ठोक्किदा मोटरसाईकल चालक र पिकअप चालक घाईते भएका छन् ।
ना ४ च ७३११ नम्बरको पिकअप र बा ८३ प १०६५ नम्बरको पल्सर मोटरसाईकल एक आपसमा ठोक्किदा मोटरसाईकल चालक मुर्लीका सायबा नाम गरेका युवक, मोटरसाईकलको पछाडि बसेका नाम नखुलेको र पिकअप चालक रमन श्रीवास्तव घाईते भएका हुन् । मोटरसाईकल चालकको सायबा भन्ने युवकको अवस्था गम्भीर रहेको प्रत्यक्षदर्शीले जनाएका छन् । घाईतेहरुलाई प्रहरीको भ्यानमा उपचारका लागि अस्पताल लगिएको छ ।
