मधेस प्रदेशमा २०६ वटा वडाको अन्तिम मतपरिणाम घोषणा
ट्रिब्यून न्युज
0
43
वीरगन्ज, २ जेठ । स्थानीय तह निर्वाचन २०७९ मा मधेस प्रदेशको २०६ वटा वडाको अन्तिम मत परिणाम घोषणा भएको छ । १३६ स्थानीय तह रहेको मधेस प्रदेशमा २०६ वटा वडाहरुको अन्तिम मत परिणाम घोषणा भएको हो ।
घोषित परिणाम अनुसार नेपाली कांग्रेसले ८२ वटा वडामा विजयी भएको छ । नेकपा एमालेले ३९ वटा वडामा जितेको छ । त्यस्तै मधेसमा प्रभाव रहेको जनता समाजवादी पार्टीको भने ३४ वटा वडामा मात्रै विजयी भएको छ । नेकपा माओवादीले मधेसको २५ वटा वडामा विजय हासिल गरेको छ ।
लोकतान्त्रिक समाजवादी पार्टीले ११ वटा वडामा जितेको छ । त्यस्तै स्वतन्त्र उम्मदवारले ३ वटा वडामा जित हासिल गरेको छ । डा.सिके राउतको जनमत पार्टीले एउटा र तराई मधेस लोकतान्त्रिक पार्टी (तमलोपा) ले पनि एक वडामा जितेको छ । मत परिणाम आउने क्रमपनि जारी नै रहेको छ ।
