बाराको जीतपुर र परवानीपुरमा मतगणना शुरु
ट्रिब्यून न्युज
वीरगन्ज, ३१ बैशाख । बाराको जीतपुर सिमरा उपमहानगर र परवानीपुर गाउँपालिकामा मतगणना शुरु भएको छ । जितपुरसिमरा उपमहानगरपालिकाको वडा नम्बर २४ बाट मतगणना शुरु भएको हो । कलैया उपमहानगरपालिकामा पनि अबको केही बेरमा मतगणना शुरु हुने मुख्य निर्वाचन अधिकृत रेग्मीले जानकारी गराउनु भयो ।
सर्वदलीय बैठक बसिरहेको र अबको केही समयमा वडा नम्बर-१ बाट मतगणना शुरु गरिने रेग्मीले जानकारी गराउनु भयो । परवानीपुर गाउपालिकामा नेपाली कांग्रेसले शुरुवाती अग्रता लिएको छ । वडा नम्बर-१ को पाँच सय मत गन्दा नेपाली कांग्रेसले एक सय ७५ र लोकतान्त्रिक समाजवादी पार्टीले एक सय ४६ मत ल्याएको छ ।
जनता समाजवादी पार्टीले ७४ र नेकपा एमालेले ७० मत ल्याएको निर्वाचन अधिकृतको कार्यालयले जनाएको छ। परवानीपुर गाउँपालिकाको भोजभगत मावि परवानीपुरमा शुरु भएको मत गणनाको पछिल्लो मत परिणाम अनुसार नेपाली कांग्रेसले अग्रता लिएको छ ।
पाँचसय मत गणना गर्दा नेपाली कांग्रेस १७५ मत सहित अगाडि छ । लोकतान्त्रिक समाजवादी पार्टी लोसपा १४६, जनता समाजवादी पार्टीको ७४ र नेकपा माओवादी केन्द्रको ७४ मत आएको छ । परवानीपुर गाउँपालिकामा वडा नम्बर १ बाट मतगणना शुरु भएको हो ।
