बारामा हत्याको श्रृङखला बढ्याे, दुईदिनमा दुईजनाको हत्या
ट्रिब्यून न्युज
वीरगन्ज, ९ असाेज । बारामा हत्याकाे श्रृङखला शुरू भएको छ ।एउटै नगरपालिकामा दुईदिनमा दुईजनाको हत्या भएको हाे ।बाराको पचरौता नगरपालिकाको वडा नं ६ पकडिया स्थित लक्ष्मीनिया पोखरिको डिल नजिक अज्ञात व्यतिले चलाएको गोली प्रहारबाट एक व्यतिको मृत्यु भएको छ। मृतकको पहिचान हाल सम्म नखुलेको प्रहरी चौकी बेलदारीले जनाएको छ।
यसअघि आईतवार राति पनि बाराको पचरौता नगरपालिका वडा नम्बर १ पिपरपाती टाेलमा अमरेश सिहकाे हत्या भएको थियाे । वहाँलाई धारिलो हतियारले प्रहार गरि हत्या गरेकाे बारा प्रहरीले जनाएको छ ।
पिपरपाती गाउँ भन्दा दक्षिण बोर्डर छेउमा मृत अवस्थामा उहाँको शव स्थानियले देखेपछि प्रहरीलाई जानकारी गराएकाे थियो ।जानकारी पाउनासाथ गएकाे प्रहरी टाेलीले शवकाे घटना प्रकृति मुचुल्का तयार गरि पाेष्टमार्टमका लागि प्रादेशिक अस्पताल कलैया ल्याईएकाे थियाे ।
शव पाेष्टमार्टमपछि आफन्तकाे जिम्मा लगाईएकाे बाराका प्रहरी नायव उपरीक्षक दधिराम न्याैपानेले जानकारी दिनुभयाे । दैनिक जसाे हत्याका घटना हुन थालेपछि सीमावर्ती क्षेत्रमा त्रास सृजना भएको छ । बाराकाे सिम्राैनगढ र पचराैताकाे सीमावर्ती क्षेत्र तथा भारततर्फ पनि हत्याका घटनाहरू बढ्न थालेको छ ।
