विश्रामपुरमा आगलागी हुँदा चार वटा फुसको घर जलेर नष्ट
ट्रिब्यून न्युज
0
14
वीरगन्ज, २१ जेठ । पर्साको बहुदरमाई नगरपालिका वडा नम्बर १ विश्रामपुरमा आईतबार विहान आगलागी हुँदा ४ वटा फुसको गोठघर जलेर नष्ट भएको छ । स्थानीय छोटेलाल यादवले लामखुट्टे धपाउन बालिएको घुरबाट आगो सल्किएर छिमेकीका ३ जनाको गरी ४ फुसको गोठघर जलेर नष्ट भएको हो ।
आगलागीबाट छोटेलाल यादव, भुलन यादव, सन्त यादव, महन्थ यादवको फुसको गोठघर जलेर नष्ट भएको प्रहरीले जनाएको छ । आगलागीबाट फुसको गोठघर पुर्णरुपमा जलेर नष्ट हुँदा करिब ५ लाख बराबरको क्षति भएको प्रहरीको प्रारम्भिक अनुमान छ ।
आगलागी वीरगन्ज, पोखरिया र सखुवाप्रसौनीबाट गएको ३ वटा दमकल, नेपाल प्रहरी, सशस्त्र प्रहरी र स्थानियको सहयोगमा निभाईएको जिल्ला प्रहरी कार्यालय पर्साले जनाएको छ ।
