कृषि औजार कारखानामा फलाम पगाल्ने मेशिन जडान
ट्रिब्यून न्युज
वीरगन्ज, १७ जेठ । राष्ट्रिय आविष्कार केन्द्रले सञ्चालनमा ल्याएको कृषि औजार कारखाना बीरगंजमा फलाम पगालेर किट बनाउने नयाँ कुपोला फर्नेस मेशिन जडान गरिएको छ । आविष्कार केन्द्रका अध्यक्ष डाक्टर महाविर पुनले सामाजिक सञ्जाल फेसबुक मार्फत कुपोला फर्नेस भनिने फलाम पगालेर किट बनाउने मशिन बनाएर जडान गरिएको जानकारी गराउनु भएको छ ।
मशिनले एक घण्टामा १५ सय किलोग्राम सम्म फलाम पगाल्न सक्ने पुनले बताउनुभयो । यसरी बनाइएको फलामको किटबाट बिभिन्न किसिमका सामानहरु बनाइने उहाँले बताउनुभयो ।
उहाँका अनुसार यो मशिन बनाउन ३ हप्ता लागेको उहाँले सामाजिक कृषि औजार कारखानाका मशिनहरु मर्मत गर्दा कतिपय साना तिना पार्टपुर्जाहरु कृषि औजार कारखानामा कार्यरत इन्जिनियरहरु र टेक्निसियनहरुले मेशिनको मर्मत गरेका थिए ।
कसैलाई केहि बनाउने इच्छा भए कृषि औजार कारखानामा जडान गरिएको फलाम पगाल्ने मेशिनमा लगेर बनाउन सक्नेपनि उहाँले बताउनु भएको छ ।
