कृषि औजार कारखानाको खेत जोत्ने ट्याक्टरको खोजीमा महाविर पुन
ट्रिब्यून न्युज
वीरगन्ज, १९ माघ । वीरगन्ज स्थित कृषि औजार कारखाना सञ्चालनको जिम्मा पाएको राष्ट्रिय आविष्कार केन्द्रका अध्यक्ष महाविर पुनले खेत जोत्ने ट्याक्टर आवश्यकता रहेकोले बिक्री गर्न चाहने व्यक्तिले सम्पर्क गर्न आग्रह गर्नुभएको छ ।
कृषि औजार कारखाना परिसरमा रहेको चार विगाह खाली जमिनमा जोत्नका लागि ट्याक्टर आवश्यक भएकोले बिक्री गर्न चाहनेले आविष्कार केन्द्रमा सम्पर्क गर्न वा उहाँको मोबाईल नम्बर ९८४१५९२३६१ मा सम्पर्क गर्न सामाजिक सञ्जाल फेसबुक मार्फत आह्वान गर्नुभएको हो ।
कृषि औजार कारखानाको बाँझो खेत जोत्न र सामान ओसार्नको लागि ट्याक्टर आवश्यक परेको उहाँले उल्लेख गर्नुभएको छ । आविष्कार केन्द्रमा खटिने अनुसन्धानकर्ताहरुलाई आवश्यक खाद्य वस्तु चामल, दाल र तरकारीहरु कृषि औजार काराखानाको खाली जग्गामा उत्पादन गर्नका लागि खेत जोत्ने ट्याक्टर आवश्यक रहेको अध्यक्ष पुनले सामाजिक सञ्जाल फेसबुकमा उल्लेख गर्नुभएको छ ।
