निफको आठौं महाधिवेशनको तयारी अन्तिम चरणमा
ट्रिब्यून न्युज
0
11
काठमाडौं । राष्ट्रिय आदिवासी जनजाति महिला महासंघ (निफ)को आठौं राष्ट्रिय महाधिवेशन मंसिर २८ र २९ गते काठमाडौंमा हुँदैछ ।
आगामी ३ वर्षका लागि नयाँ नेतृत्वसमेत चयन गर्ने महाधिवेशनको तयारी अन्तिम चरणमा पुगेको महासंघका महासचिव शान्ति देवानले जानकारी दिएका छन् ।
काठमाडौंको राष्ट्रिय नाचघरमा हुने महाधिवेशनमा महासंघका ४८ वटा सदस्य संगठनबाट एक प्रतिनिधि र एक पर्यवेक्षक गरी ९६ जना सहभागी हुने छन् । महाधिवेशनमार्फत १ अध्यक्ष, हिमाल, पहाड र तराईलाई प्रतिनिधित्व गर्नेगरी ३ उपाध्यक्ष र १ महासचिव निर्वाचित हुनेछन् ।
त्यसैगरी, अनुसन्धान तथा सूचना र सञ्चार, विदेश तथा परियोजना, जनसम्पर्क तथा संगठन विस्तार र भाषा तथा संस्कृति हेर्नेगरी ४ जना सचिव निर्वाचित हुनेछन् । त्यसैगरी, महाधिवेशनले एक कोषाध्यक्ष समेत निर्वाचित गर्नेछ ।
