टोल टोलमा रहबरलाई जितको आर्शिवाद
ट्रिब्यून न्युज
वीरगन्ज, २४ कार्तिक । नेकपा माओवादी केन्द्रका केन्द्रीय सदस्य एवं पर्सा निर्वाचन क्षेत्र नम्बर १ को प्रदेशसमा (१) का बाम लोकतान्त्रिक गठबन्धनका उम्मेदवार रहबर अन्सारीलाई टोल टोलमा जितको आर्शिवाद पाएका छन् । पर्साको निर्वाचन क्षेत्र नम्बर १ को प्रदेशसभा (१) मा पर्ने १० वटै वडाहरुमा घरदैलो गर्नुभएका बाम लोकतान्त्रिक गठबन्धनका उम्मेदवार अन्सारीलाई वडाका टोल टोलमा जितको आर्शिवाद मतदाताहरुले दिएका छन् ।
राजनीतिक क्षेत्रमा शिक्षित युवाहरुको प्रवेशले मात्रै परिवर्तन सम्भव हुने भएकोले अबको विकल्प रहबर अन्सारी नै रहेको मतदाताहरुले बताएका छन् । नीति निर्माण तहमा पुग्नुपर्ने सही व्यक्तिहरु चुन्न नसक्दा जनताले पटक पटक धोका खाएकोले यसपटक धोका खाने काम जनताले नगर्नेमा अन्सारी पनि विश्वस्त हुनुहुन्छ ।
जनताले भरोसा गरेका राजनीतिमा आशालाग्दा युवा नेता रहबर अन्सारीलाई एकपटक जिताएर उहाँको कार्यक्षमता हेर्नलाई पनि मतदाताहरु व्यग्र प्रतिक्षामा छन् । कहिले ठूला जनमत भएको पार्टी कहिले पहिचान भएको पार्टीका उम्मेदवार भन्दै जिताएर पठाएपनि जसको नीति उसैको नेतृत्व नआएकोले पनि विकास हुन नसकेको बुझाई मतदाताहरुको छ ।
बिहीबार वीरगन्ज महानगरपालिकाको वडा नम्बर २० हरपतगंजमा घरदैलोमा पुग्दा अन्सारीलाई टिका र माला लगाई भव्य स्वागत गर्नुका साथै जितको आर्शिवाद पनि दिएका छन् । यसपटक उहाँलाई जुनसुकै अवस्थामा पनि निर्वाचित गराएर पठाउने क्षेत्रका जनताले चाहाना राखेका छन् । टोल टोलमा देखिएका उहाँ प्रतिको माया र सदभावले पनि रहबर अन्सारीको पक्षमा जनमत बलियो बन्दै गएको छ ।
